ШұғылCOVID-19: Қазақстанда 14 адам өкпені жасанды желдету аппаратына қосылған

Халықаралық олимпиада жеңімпаздары ҰБТ-дан босатылуы мүмкін

Білім министрлігі жаңа ереже дайындап жатыр

Фото: ашық дереккөзден

Білім және ғылым министрлігі жоғары жетістікке қол жеткізген мектеп оқушыларын ұлттық бірыңғай тестілеуден босатуды жоспарлап отыр, деп хабарлайды Azattyq Rýhy тілшісі sputniknews.kz-ке сілтеме жасап.

Айта кеткен жөн, 2016 жылға дейін республикалық және халықаралық олимпиада жеңімпаздары ҰБТ-дан босатылып, кез келген жоғары оқу орнына құжат тапсыра алатын. Тәртіп бұзушылықтар тіркелгеннен кейін ол норма алынып тасталды.

Вице-министр Бибігүл Асылованың айтуынша, алдағы уақытта осы ынталандыру тетігін қайтару жоспарланып отыр. Алайда халықаралық олимпиадалардың нақты бір тізімі болады.

«Біз халықаралық олимпиадалардың тізімін бекітеміз. Оған шамамен он олимпиада кіреді. Сосын жаратылыстану-математика бағытына басымдық беріледі. Маңызды әрі еліміздің имиджін көтеретін олимпиадалар іріктеледі», - деді Асылова журналистерге берген сұхбатында.