Ол Sinopharm шығарған Vero Cell вакцинасын салдырды
Қазақ тағамтану академиясының президенті, медицина ғылымдарының докторы Төрегелді Шарманов коронавирусқа қарсы вакцинаның бірінші дозасын салдырды.
«Бүгінде бүкіл әлемді жаулаған қауіпті инфекция бар. Бұл - коронавирус. Бұл қауіпті індеттен сақтанудың бір ғана жолы бар - бұл маска тағу және вакцинация. 90-нан асқан шағымда вакцина салдырдым. Ешқандай қауіп жоқ. Міне, сіздермен әңгімелесіп отырмын. Ұйқым дұрыс», - деді академик.
Төрегелді Шарманов қауіпті індетке қарсы тұру үшін жұртты вакцина салдыруға шақырды. Сондай-ақ ғалым қазақстандықтарды вакцина туралы жалған жаңалықтарға сенбеуді ескертті.
Төрегелді Шарманов Sinopharm шығарған Vero Cell вакцинасын салғызған.