41 градусқа дейін: Қазақстанда күн қатты ысиды

Фронтальдық бөлімдердің ықпалымен Қазақстанда өткінші жаңбыр жауып, күн күркірейді. Кей жерлерде екпінді жел, оңтүстік пен батыста шаңды дауыл байқалады. «Қазгидромет» РМК баспасөз қызметі 20-22 шілде аралығындағы Қазақстандағы ауа райы болжамын ұсынды, деп хабарлайды Azattyq Rýhy тілшісі. 

«20 шілдеде циклонның және онымен байланысты атмосфералық фронттардың өтуіне байланысты Қазақстан аумағының басым бөлігінде тұрақсыз ауа райы сақталады - күн күркіреп, кей жерлерде бұршақ жаууы мүмкін, тек ҚР оңтүстігі мен батысында жауын - шашынсыз ауа райы күтіледі. Республика бойынша оңтүстікте шаңды дауыл, солтүстікте және солтүстік-батыста түнде және таңертең тұман күтіледі», - делінген. 

Синоптиктердің мәліметінше, 21 шілдеден бастап еліміздің солтүстік, солтүстік-батыс бөлігі антициклон жотасының ықпалында болады, онда жауын-шашынсыз жылы ауа райы күтіледі.

«Батыста ауа температурасы түнде + 20...+25 ℃, күндіз+33...+41 ℃, республиканың солтүстігінде ауа температурасы түнде+10...+18 ℃, күндіз термометр бағандары+23...+35 ℃, солтүстік-батыста түнде+12...+25 ℃, күндіз+25...+40 ℃, елдің орталығында және шығысында ауа температурасы түнде+10...+21 ℃, күндіз+25...+35 ℃, Қазақстанның оңтүстігінде және оңтүстік-шығысында түнгі температура+25...+35 ℃, 13...+25℃, күндізгі +30 ... +40℃», – деп хабарлады «Қазгидромет».