«Көлсай көлдері» ұлттық паркінде жүрген бірнеше қар барысы фототұзаққа ілінді

Кадрларда жыртқыштардың саны үшеу екені анық көрінеді

«Көлсай көлдері» ұлттық паркіндегі фототұзаққа тағы бірнеше барысы түсті. Бұған дейін де саябақта орналасқан фототұзақ «Қызыл кітапқа» енген жыртқышты бірнеше рет тіркеген.

Парк қызметкерлері берген ақпаратқа сүйенсек, бұл аумақта тек 16 қар барысы бар. Жануарлардың саны тұрақты.

Естеріңізге сала кетейік, қар барысы (Uncia uncia Schreber, 1775) Қазақстанның «Қызыл кітабына» енгізілген сүтқоректі. Біздің елде осындай 120-130 жыртқыш мекендейді, әлемде олардың саны 7 мыңнан аспайды.

Фототұзақ – жыртқыштардың санын есепке алу мен бақылаудың заманауи әдістерінің бірі болып табылады.