Алексей Цой эпидемиологиялық ахуал тұрақталып келе жатқанын айтты
Соңғы екі аптада вирус жұқтыру көрсеткіші 20%-ке төмендеді
Azattyq Rýhy / Батыржан Беспаев
Денсаулық сақтау министрі Алексей Цой елдегі эпидемиологиялық ахуал туралы айтып, соңғы екі аптада Қазақстанда вирус жұқтыру көрсеткіші 20%-ке төмендегенін жеткізді.
«Вирус жұқтырғандардың төмендеуіне қатысты оң динамика байқалады және эпидемиологиялық ахуал біртіндеп тұрақталып келе жатыр. Мәселен, соңғы 2 аптада оған дейінгі екі аптамен салыстырғанда науқастану көрсеткіші 20 пайызға азайды», - деді министр.
Министрдің айтуынша, алты өңір «қызыл» аймақта тұр: Нұр-Сұлтан, Алматы қалалары, Батыс Қазақстан, Ақмола, Қарағанды және Атырау облыстары.
«Сары» аймақта бес өңір: Ақтөбе, Алматы, Павлодар, Қостанай облыстары және Шымкент қаласы.
Қалған алты өңір «жасыл» аймақта тұр.