Нұр-Сұлтан қаласы «сары» аймаққа өтті
Денсаулық сақтау министрлігі 11 ақпандағы эпидемиологиялық ахуалды бағалау матрицасын жариялады.
11 ақпандағы эпидемиологиялық ахуалды бағалау матрицасына сәйкес, Қазақстанның екі облысы «қызыл» аймақта тұр: Ақмола және Павлодар облыстары.
«Сары» аймақта: Қостанай, Солтүстік Қазақстан, Батыс Қазақстан облыстары және Нұр-Сұлтан қаласы.
Сондай-ақ қалған өңірлердің бәрі «жасыл» аймақта. Жалпы Қазақстан коронавирустың таралу қаупі жағынан «жасыл» аймақта тұр.