Басты бет Қоғам Зейнетақы жинағын алу үшін БЖЗҚ-ға 10 мыңнан астам өтінім түсті

Зейнетақы жинағын алу үшін БЖЗҚ-ға 10 мыңнан астам өтінім түсті

Автор: Azattyq Rýhy

27.01.2021, 13:56

БЖЗҚ 8,5 мың салымшының өтінішін тексеруден өткізді

25 қаңтарда уәкілетті оператор - «Отбасы банктен» Бірыңғай жинақтаушы зейнетақы қорына жалпы көлемі 114,6 млрд теңгеден астам сомаға 10 292 өтінім келіп түсті. Бұл туралы БЖЗҚ баспасөз қызметі хабарлады.

8 460 өтінім (сомасы 49,2 млрд теңге) тексеруден сәтті өтті. Заңнамаға сәйкес БЖЗҚ-ға өтінім келіп түскен күннен бастап 5 жұмыс күнінен кешіктірілмей, салымшылардың «Отбасы банктегі» арнайы шотына шамамен 49,2 млрд теңге аударылады. Аударымның орташа сомасы – 5,8 млн теңге.

БЖЗҚ заңнама талаптарына сәйкес келмегендіктен 1832 (18%) өтінімді қабылдамады:

Сомалар қате, яғни шоттағы зейнетақы жинақтарының көлемінен асыра көрсетілген. Сондықтан өтінімдерді «Отбасы банк» ұсынымдарын басшылыққа ала отырып, мұқият толтыру керек.
Жеке табыс салығын (ЖТС) төлеу тәсілін таңдау кезінде алуға сұраныс жасалатын сомалар дұрыс көрсетілмеген.