Өткен аптада коронавирустан 57 қазақстандық қайтыс болды

28  желтоқсан мен 3 қаңтар аралығында Қазақстанда коронавирус инфекциясынан 57 адам көз жұмды. Бұл туралы Денсаулық сақтау министрлігінің баспасөз қызметі хабарлайды. Атап айтқанда:

• Атырау облысында - 18;
• Алматы қаласы - 9;
• Павлодар облысында - 7;
• Батыс Қазақстан облысында - 5;
• Шығыс Қазақстан облысында - 5;
• Алматы облысында - 2;
• Қостанай облысында - 2;
• Қарағанды облысында - 2;
• Нұр-Сұлтан қаласында - 2;
• Шымкент қаласында - 2;
• Ақмола облысында - 1;
• Ақтөбе облысында - 1;
• Түркістан облысында - 1.

Денсаулық сақтау министрлігінің Ұлттық қоғамдық денсаулық сақтау орталығы 8 қаңтардағы жағдай бойынша ел өңірлеріндегі эпидемиологиялық ахуалды бағалау матрицасын жариялады.

«Қызыл» аймақтар бойынша 7 қаңтардағы бағалау матрицасы өзгеріссіз қалды. Кеше Атырау облысы Атырау облысы «қызыл» аймақтан шыққан еді. Соңғы ақпаратқа сәйкес, Қазақстанда «қызыл» аймақта тұрған бірде-бір өңір жоқ.

«Сары» аймаққа Алматы мен Нұр-Сұлтан қалалары, Атырау, Ақмола, Солтүстік Қазақстан, Қостанай, Павлодар облыстарымен қатар Батыс Қазақстан кірді. Қалған өңірлердің барлығы - «жасыл» аймақта.