Алайда, қала бағытындағы автобус жолағы өзгеріссіз қалады
Елорданың Қабанбай батыр даңғылындағы қоғамдық көліктерге арналған Bus lane жолағы алынып тасталды. Бұл туралы әкімдіктің ресми сайтында хабарланды.
«Қаланың жол торабының жүктемесін азайту үшін 20 желтоқсаннан бастап Қабанбай батыр даңғылы бойымен Қосшы бағытында «Азия Парк» сауда ойын-сауық орталығынан айналмаға дейінгі автобус жолағы алынып тасталды», - делінген ресми хабарламада.
Әкімдіктің хабарлауынша, қала бағытындағы автобус жолағы өзгеріссіз қалады. Бұл шара уәкілетті орган - Әкімшілік полиция департаментімен арадағы келісім бойынша қабылданды.