Шетелден 92 жолаушы ПТР-анықтамасыз келді

8 желтоқсанда Қазақстан аумағына Швейцария, Германия, Корея, Мысыр, Түркия, БАӘ, РФ, Қырғызстан және Өзбекстаннан 12 халықаралық әуе рейсімен 1 740 жолаушы келді. Оның ішінде теріс нәтижесі бар ПТР-анықтамамен 1 648 адам, анықтамасыз 92 адам - ҚР азаматтары келді. Бұл туралы Санитариялық-эпидемиологиялық бақылау комитетінің баспасөз қызметі хабарлайды.

Оның ішінде:

• Алматы әуежайына – 6 рейс (1 279 жолаушы, анықтамамен - 1 207, анықтамасыз – 72);
• Нұр-Сұлтан әуежайына – 5 рейс (222 жолаушы, анықтамамен - 212; анықтамасыз – 10);
• Қостанай әуежайына – 1 рейс (239 жолаушы, анықтамамен - 229; анықтамасыз – 10) келді.

Анықтамасыз келген Қазақстан азаматтары келген жері бойынша карантиндік стационарларға орналастырылды және ПТР-талдау әдісімен COVID-19-ға тестіленді. Барлық 92 адамның тест сынамасы теріс нәтиже көрсетті.