Алматыда карантин кезінде 60 адамға құдалық жасаған тұрғын анықталды

Алматы қаласы Түрксіб ауданының мониторинг тобы «Ламази» мейрамханасында 60 адамға арналған құдалық өткізілгенін анықтады, деп хабарлайды Azattyq Rýhy тілшісі Алматы қаласы өңірлік коммуникация қызметіне сілтеме жасап.

«Алматыда 7-14 қыркүйек аралығында 39 нысан мен 83 жеке тұлғаның карантин режимін бұзғаны анықталды. Салынған айыппұлдың жалпы сомасы - 16 млн 376 мың теңге. Әкімшілік сотқа 1 материал қарауға жіберілді», - деп жазылған хабарламада.

17 тамыздан бастап осы уақытқа дейін мониторингтік топтар 9 мыңнан аса тексеріске шыққан. Әкімшілік бұзушылықтар туралы 3 756 хаттама толтырылған. Өз еріктерімен 1635 нысан қызметтерін тоқтатқан. Маска режимін бұзғаны үшін 3 366 жеке тұлғаға, оның ішінде Арбат аумағында 69 адамға айыппұл салынған.