Қазақстандықтар қыста жаппай паспорт алатыны белгілі болды

Қазақстандықтар қыста жаппай төлқұжат пен жеке куәлік рәсімдейтіні анықталды. Бұл туралы «Азаматтарға арналған үкімет» корпорациясының статистикасында жазылған, деп хабарлайды Azattyq Rýhy.

Корпорацияның мәліметіне сүйенсек, биыл қыста 500 мың адам жаппай төлқұжат рәсімдеп, жеке куәліктерін жаңартқан.

«Қыста азаматтар жиі паспорт рәсімдеп, жүргізуші куәлігін алу және жылжымайтын мүлікке қатысты тіркеу қызметтеріне жүгінген», - деп хабарлайды корпорацияның баспасөз қызметі.

Қыс басталғаннан бері:

• 500 мың адам паспорт пен жеке куәлік алған
• 400 мың адам көлік құжатын тіркеген
• 250 мың адам үй сатып алған
• 124 мың адам жүргізуші куәлігін алған
• 71 мың адам жер алып, кадастрлық нөмірін тіркеген