Еліміз бұл жоспар ахуалды реттеуге үлес қосады деп сенеді
Қазақстан АҚШ Президенті Дональд Трамптың Газа секторындағы қақтығысты тоқтатуға арналған жан-жақты бітімгерлік жоспарын қолдайды. Бұл туралы президенттің көмекшісі - баспасөз хатшысы Руслан Желдібай мәлім етті, деп хабарлайды Azattyq Rýhy.
«Мемлекет басшысы Қасым-Жомарт Тоқаев еліміз бұл бастаманы Таяу Шығыстағы ахуалды реттеуге, мемлекеттер арасындағы сенімді нығайтып, аталған аймақта бейбітшілік орнатуға бірегей мүмкіндік әрі маңызды қадам ретінде қарастыратынын мәлімдеді», - деп жазды ол.
Айта кетейік, кеше түнде Руслан Желдібай Қасым-Жомарт Тоқаевтың АҚШ-тың 45-ші президенті Дональд Трамппен түскен суретін жариялаған еді.