Бірлескен отырыс 2 қыркүйекке жоспарланған
Мәжіліс төрағасы Ерлан Қошанов Парламент палаталарының бірлескен отырысын шақыру туралы өкімге қол қойды, деп хабарлайды Azattyq Rýhy.
«Қазақстан Республикасы Конституциясының 58-бабы 4-тармағының 2) тармақшасына сәйкес Парламент палаталарының бірлескен отырысы 2025 жылғы 2 қыркүйекте сағат 11.00-де Астана қаласында шақырылсын», - делінген өкім мәтінінде.
Айта кетері, Парламент депутаттары маусым айының соңында каникулға шыққан еді. Халық қалаулылары екі ай бойы өңірлерді аралап, азаматтармен кездесті.