Екі тарап сауда-экономикалық ынтымақтастық мәселелерін талқылады
Қазақстан премьер-министрі Олжас Бектенов Словения Президенті Наташа Пирц-Мусармен кездесіп, екі тарап сауда-экономикалық ынтымақтастық мәселелерін талқылады, деп хабарлайды Azattyq Rýhy.
Саясаткерлер сауда саласында Іскерлік кеңестің жұмысына назар аударды. Іскерлік кеңес тау-кен, мұнай-газ және басқа да салаларда әріптестікті тереңдетудің және тәжірибе алмасудың қосымша тетігі болуы тиіс.
«Көлік-логистика саласындағы, оның ішінде Транскаспий халықаралық көлік бағытын дамыту аясындағы ынтымақтастық талқыланды. «Орта дәліз» бойындағы бірлескен логистикалық және инфрақұрылымдық жобалардың келешегі қарастырылды», - деп хабарлайды үкімет.
Кездесу соңында екі ел президенттері қол жеткізген нақты уағдаластықтары мен бірлескен мәлімдемелерін жүзеге асыру мәселелері ынтымақтастық жөніндегі Үкіметаралық комиссияның ерекше бақылауында болатыны айтылды.