Түркияның Израильдегі елшілігі ХАМАС жетекшісінің өліміне аза тұтты

Израильдегі Түркия елшілігі туын төмен түсірді. Оның фотосуретін x/Twitter қолданушысының бірі желіге жүктеген, деп хабарлайды Azattyq Rýhy.

Автордың айтуынша, бұл акция қаза болған ХАМАС радикалды топтарының жетекшісі Исмаил Ханияның құрметіне арналған.

«Тель-Авивтегі Түркия елшілігі ғимаратындағы түрік туы төмен түсті. Бұл Израиль тарапы өлтірді деп отырған Исмаил Ханияны аза тұтуға байланысты шара», - деп жазды желі қолданушысы.

Еске салсақ, жұма күні Түркия президенті Режеп Тайип Ердоған ХАМАС саяси бюро төрағасы Исмаил Ханияның қаза болуына болуына байланысты бір күндік ұлттық аза тұту жариялады. Елдегі және шетелдегі барлық өкілдікте мемлекеттік тулар жартысына дейін төмен түскен болатын.