«Талибан» қозғалысы бақылап отыр»: Ауған телеарнасы Azattyq Rýhy мақаласын не деп таратып жатыр

Ауғанстанның «Afghanistan International» халықаралық телеарнасы «Ауғанстанға аттанамыз» деген жас қыздар жайлы материалды аударып, таратқан, деп хабарлайды Azattyq Rýhy.

Ауғанстанның тәулік бойы хабар тарататын телеарнасы Azattyq Rýhy ақпарат агенттігінің материалына сілтеме берді.

Телеарнаның Instagram-дағы парақшасында 509 мың оқырман бар.

«TikTok  желісінде 7 қазақстандық қыздың әрекеті қызу талқыға түсті», - деп жазған олар.

Сондай-ақ телеарна бұл адамдардың Ауғанстанға сапары «Талибанның» бақылауында екенін жазған.

«Әзірге бұл ықпалды адамдардың» Талибан» бақылауындағы Ауғанстанға келгені туралы ақпарат жоқ.  Жалпы, көп адам Ауғанстан туралы осылай жазса, танымал боламын деген болжамға сүйенеді. Сондықтан TikTok-та көрермен мен пікірлер көп», - деп қосқан телеарна.

Еске салсақ, қара хиджаб киіп, көк туды жамылған қыздардың әрекеті желі қолданушыларының үрейін тудырған еді. Желіде мұндай әрекет жасағандарға қандай да бір жаза бар ма екені жайлы Ішкі істер министрлігіне сұрау жолданды. Әзірге жауап жоқ.