Боао Азиялық форумына дайындық жұмыстары жүргізіліп жатыр

Хайнань провинциясында өтетін Боао Азиялық форумының басталуына бірнеше сағат қалды. Форум өтетін залда дайындық жұмыстары жүргізіліп жатыр, деп хабарлайды Azattyq Ruhy тілшісі.

Форумға Оңтүстік Азия елдерінің 30-ға жуық мемлекеті келген. Дәстүрлі форумға биыл ҚР Президенті Қасым-Жомарт Тоқаев та қатысады.

Іс-шара «Азия және әлем: ортақ сын-қатерлер, ортақ жауапкершілік» ұранымен өтеді. Биылғы конференция төрт негізгі бөлімнен тұрады: «Әлемдік экономика», «Ғылыми-техникалық прогресс және инновация», «Әлеуметтік даму» және «Халықаралық ынтымақтастық».

Боао Азия форумы – аймақтық экономикалық интеграцияны ілгерілетуге және Азия мемлекеттерінің бірлескен дамуына ықпал етуге арналған үкіметтік емес және коммерциялық емес халықаралық ұйым.

2001 жылы Қытайдың бастамасымен құрылған Боао үкіметтік емес Азия форумы (АФБ) өңірдің үкіметаралық, іскерлік және ғылыми топтарының өзара іс-қимылын нығайтуға, сауда-экономикалық алмасулар мен интеграциялық үдерістерге жәрдемдесуге бағытталған. Ұйымның бас кеңсесі Хайнань провинциясының Боао ауылында орналасқан. 2001 жылы негізі қаланған Боао Азия форумы – 29 мемлекет мүше, оның ішінде Қазақстан да бастамашы болған халықаралық үкіметтік емес ұйым. Оның мақсаты – Азиядағы аймақтық экономикалық интеграцияны қолдау.