«Қаңтарда Тоқаев шешімді қалай қабылдады»: AMANAT партиясының төрағасы Ерлан Қошановпен ашық сұхбат

Бір айға жетер-жетпес уақыттан кейін еліміздегі ең маңызды саяси оқиғалардың бірі – ҚР Президентін сайлауы болады. Үміткер болуға құжат тапсырған 12 кандидаттың тек алтауы ғана заң талаптарына сай деп танылып, науқанды жалғастырмақ. Олар қазір үгіт-насихат жұмыстарын қызу жүргізіп те жатыр.

Осы орайда AMANAT партиясының төрағасы Ерлан Қошанов журналист Нартай Аралбайұлына сұхбат беріп, осы сайлау төңірегіндегі түрлі алып-қашпа әңгімелерге, халықтық коалицияның жұмысына, сондай-ақ Қаңтар оқиғасы мен елдегі жемқорлық мәселелеріне қатысты туындаған сұрақтарға жауап берді.

Еске салайық, биыл президент болып сайланған азамат Қазақстанды 7 жыл және небәрі бір мерзім ғана басқарады. Бұл Президент Қасым-Жомарт Тоқаевтың биыл қыркүйекте жариялаған саяси реформаларының бірі.