Владимир Путин Қазақстанға сапармен келеді

Ресей президенті Владимир Путин Азиядағы өзара іс-қимыл және сенім шаралары кеңесіне қатысу үшін Қазақстанға келеді. Бұл туралы ҚР Сыртқы істер министрі Мұхтар Тілеуберді айтты, деп хабарлайды Azattyq Ruhy.

«Ресей президенті Азиядағы өзара іс-қимыл және сенім шаралары кеңесіне қатысу үшін Қазақстанға келеді. Сонымен қатар Тәуелсіз Мемлекеттер достастығы мемлекет басшыларының кеңесін өткізу жоспарланған. Біз, Ресей президенті қатысады деп күтеміз. Бұл шара қазан айының ортасында өтеді. Ресми растауын күтіп отырмыз. Мемлекет басшысының әрбір сапарында екіжақты кездесу өткізіледі», - деді Мұхтар Тілеуберді.