«Тыңшылық жасаған»: Болгария Ресейдің 70 дипломатын елден қуды

Azattyq Rýhy

Дипломаттар 3 шілдеге дейін елден кетуге тиіс

«Тыңшылық жасаған»: Болгария Ресейдің 70 дипломатын елден қуды
Фото: ашық дереккөзден

Болгария Ресейдің 70 дипломатын елден қуды. Оларға тыңшылық жасап, Вена конвенциясына қарсы әрекет етті деген айып тағылды. Дипломаттар 3 шілдеге дейін кетуге тиіс. Сондай-ақ ресми София Кремльден елшіліктің штат санын қысқартуды талап етті, деп хабарлайды Azattyq Rýhy «Хабар 24» сайтына сілтеме жасап. 

Айта кетейік, 2 елдің арасы Ресей Украинаға басып кірген сәттен бастап ушықты. Мәскеу бұл шешімге байланысты әлі ешқандай мәлімдеме жасаған жоқ. 

«70 Ресей дипломатын елден шығару туралы шешім қабылдадық. Біздің барлаушылар олардың Болгарияның мүддесіне қарсы жұмыс істегенін анықтады. Осы маңызды операцияны сәтті өткізген Болгарияның ұлттық қауіпсіздік қызметі мен Сыртқы істер министрлігін құттықтағым келеді», – деді Болгария премьер-министрі Кирилл Петков. 
 

×
Бұл желілік ресурстың ақпараттық өнімдері 18 жастан асқан адамдарға арналған.