Елбасы Нұрсұлтан Назарбаев: «Ауру президент мемлекетке жетекші бола алмайды»

Azattyq Rýhy

Тұңғыш Президент «Штрихи к портрету» фильмінде бұған дейін айтылмаған сырымен бөлісті

24.kz

Нұрсұлтан Назарбев фильм барысында өзіне күрделі ота жасалғанын айтты.

«Қазір сіздерге бұған дейін еш жерде айтылмаған сырды ашпақпын, бұл сенсация болмақ. Омыртқама күрделі операция жасаттым. 8 наурыз күні концертте отырғанбыз. Концерт аяқталған соң орнымнан тұрдым, бірақ аяғымды қозғалта алар емеспін. Күзет офицерін қасыма шақыртып, қолынан ұстап алдым. «Адамдар байқап қалмас үшін асықпай жүрейік», – дедім. Міне, солай шығып кеттік. Тексерістен өттім, омыртқам ауырады екен. Операция жасатып, емделдім, қазір бәрі дұрыс. Бала күнімде қызыл командир туралы фильм көргенім есімде. Ол жарақат алды, ал отряд шабуылға шығуы тиіс еді. Командир жарасын таңып, тонын киді де, атына отырды, себебі ол командирдің отрядтың алдында жүруі керектігін білді. Президент үшін де дәл солай. Ауру президент мемлекетке жетекші бола алмайды. Сенің осындай жағдайға душар болғаныңа елдің қандай қатысы бар, ол не үшін зардап шегуі керек. Осылай кездесулерге барып, 350 кездесу өткіздік. 2011 жыл болатын», – деді Назарбаев.

Елбасы мұны бұған дейін айтпауының себебін де түсіндірді.

«Тағы бір күрделі операция жасалды, білікті хирург екен. Бәрін ойдағыдай жасады. Мен бұл туралы ешқашан айтпағанмын, сол үшін де кешірім сұраймын. Жұмыс істеу керек кезде мұны қалай айтасың. Кетуге дайын емес едім, себебі орнымды басатын адамға қатысты мәселе де шешілген жоқ еді.  Міне, қазір екі жылдан асты, бұл шешіміме өкінбеймін», – деді ол.

×
Бұл желілік ресурстың ақпараттық өнімдері 18 жастан асқан адамдарға арналған.