ОСК төрағасы Тоқаевқа алдағы сайлауға қатысты дайындық барысын айтты

Мемлекет басшысы Орталық сайлау комиссиясының төрағасы Берік Имашевті қабылдады

Фото: akorda.kz

Қасым-Жомарт Тоқаевқа сайлау органдарының екінші жартыжылдықта өтуге тиіс аудандық маңызы бар қалалардың, ауылдық округтердің, кенттердің және ауылдық округтерден тыс ауылдардың әкімдерін тікелей сайлауға дайындығы туралы баяндалды.

Сонымен қатар пандемия кезінде өтетін сайлау барысында азаматтардың қауіпсіздігін қамтамасыз ету шаралары талқыланды.

Кездесу қорытындысы бойынша Қасым-Жомарт Тоқаев Берік Имашевқа бірқатар нақты тапсырма берді.

Еске сала кетейік, биыл Қазақстанда алғаш рет ауыл әкімдерін сайлау өтеді. Әкімдер сайлауын өткізуге шамамен 17,6 млрд теңге қажет.

Мақалада

#Қасым-Жомарт Тоқаев #сайлау #ауыл #Орталық сайлау комиссиясы #әкім #Берік Имашев

Алдыңғы жаңалық

Тоқаев Татарстан президентімен кездесті