Қазақстан мен АҚШ терроризм мен экстремизмге қарсы іс-қимыл мәселелерін талқылады

Президенттің Ауғанстан жөніндегі арнайы өкілі – ҚР СІМ Ерекше тапсырмалар жөніндегі елшісі Талғат Қалиевтің АҚШ Мемлекеттік департаментінің ресми өкілдерімен бейнеконференциясы өтті, деп хабарлайды ҚР Сыртқы істер министрлігі.

«Кездесу барысында тараптар терроризм мен экстремизмге қарсы іс-қимыл саласындағы екіжақты және көпжақты ынтымақтастықтың жай-күйі мен перспективаларын талқылады. Қарулы қақтығыс ошақтарынан оралған қазақстандық азаматтарды әлеуметтік оңалту және реинтеграциялау мәселелеріне ерекше назар аударылды»,- делінген хабарламада.

Қатысушылар жұмыс байланыстарын одан ары қолдау туралы келісе отырып, ағымдағы өзара іс-қимылдарға қанағаттанатындарын білдірді.