Оның кандидатурасына Құрылтай келісім беріп отыр
Мемлекет басшысының Жарлығымен Нұрлыбек Машбекұлы Нәлібаев Қазақстан Республикасы Премьер-Министрінің бірінші орынбасары лауазымына тағайындалды, деп хабарлайды Azattyq Rýhy.
Құрылтайдың Өңірлік және инфрақұрылымдық даму комитеті Нәлібаевтың кандидатурасына келісім берді.
«Қазақстан Республикасы Құрылтайының Өңірлік және инфрақұрылымдық даму комитетінің отырысында ҚР Премьер-министрінің бірінші орынбасары лауазымына тағайындау үшін Нұрлыбек Нәлібаевтың кандидатурасы келісілді. Бұл мәселе «Қазақстан Республикасының Құрылтайы және оның депутаттарының мәртебесі туралы» Конституциялық заңның 30-бабына сәйкес қаралды», - деп хабарлайды Құрылтайдың баспасөз қызметі.
Комитет отырысының нәтижесінде ұсынылған кандидатураны Қазақстан Республикасы ҚР Премьер-министрінің бірінші орынбасары қызметіне тағайындауға болатыны туралы қорытынды қабылданды.