Тоқаев бірнеше заңға енгізілген өзгерістерге қол қойды

Мемлекет басшысы Қасым-Жомарт Тоқаев 23 маусым күні Қазақстан Республикасының бірнеше заңына қол қойды, деп хабарлайды Azattyq Rýhy Ақордаға сілтеме жасап.

Президент мынадай заңдарға қол қойды:

• «Ғылым, ғылымды қажетсінетін аумақтар, әлеуметтік қамсыздандыру, білім беру, денсаулық сақтау және әскери қызмет мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы»;
• «Машина жасау және көлік саласын дамыту мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы»;
• «Атқарушылық іс жүргізуді жетілдіру мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы»;
• «Цифрландыру, дербес деректерді қорғау, жол қозғалысы және көліктегі озық технологияларды реттеу мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы».

Заңдардың мәтіндері баспасөзде жарияланады.