Антикор Сәтпаев қаласы әкімінің отставкасын қабылдамаған
Оның өтініші қабылданбай, сөгіс түрінде тәртіптік жауапкершілікке тартылды
Сыбайлас жемқорлыққа қарсы іс-қимыл агенттігі Қарағанды облысына қарасты Сәтпаев қаласының әкіміне қатысты болған бұған дейінгі жайттың бетін ашты. Агенттіктің хабарлауынша, Сәтпаев қаласының әкімі қалалық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысын сыбайлас жемқорлық қылмысы үшін отставкаға берген.
«Жемқорлық қылмысын жасаған Кунедиловаға (бөлім басшысы – ред.) ҚР Қылмыстық кодексінің 190-бабы 3-бөлігі бойынша белгілі бір лауазымдарда қызмет атқаруға өмір бойы тыйым салумен қатар, ол 12 млн теңге сомасында айыппұл төлейді. Ал, қала әкімінің отставкасы қабылданған жоқ, ол сөгіс түрінде тәртіптік жауапкершілікке тартылды», - делінген Агенттік хабарламасында.
2019 жылы 10 желтоқсанда ҚР «Мемлекеттік қызмет туралы» заңына бағынышты қызметкерлердің сыбайлас жемқорлық құқықбұзушылығын жасағаны үшін саяси мемлекеттік қызметшілердің жауапкершілігі бөлігінде енгізілген өзгертулер заңды күшіне енді. Аталған нормаға сәйкес, 2019 жылдың 10 желтоқсанынан кейін жасалған сыбайлас жемқорлық қылмыстар үшін мемлекеттік қызметшіні кінәлі деп тану туралы сот үкімі күшіне енген соң оның тікелей басшысы – саяси мемлекеттік қызметші 10 күннің ішінде қызметтен кету туралы өтініш беруі тиіс.
