Қасым-Жомарт Тоқаев Қазақстан мен Грузия арасындағы ынтымақтастықты одан әрі нығайтуға бейілді екенін растады
Мемлекет басшысы Грузия президентіне құттықтау жеделхатын жолдады, деп хабарлайды Azattyq Rýhy Ақордаға сілтеме жасап.
Қасым-Жомарт Тоқаев Михаил Кавелашвили мен Грузия халқын ұлттық мереке – Тәуелсіздік күнімен құттықтады.
Қазақстан президенті құттықтау жеделхатында достық пен өзара қолдау байланыстарына негізделген қазақ-грузин ынтымақтастығын одан әрі нығайтуға бейілді екенін растады.
Қасым-Жомарт Тоқаев Михаил Кавелашвилиге жауапты мемлекеттік қызметінде табыс, ал Грузия халқына амандық пен өркендеу тіледі.