Сенат сайлауы: Әйелдердің саяси белсенділігі артып келеді

Сенаттағы орындарға 94 кандидат ұсынылды. Әрі әйелдердің саяси белсенділігі артып келеді дейді ОСК төрағасы Берік Имашев. Бұл туралы Алматы телеарнасы хабарлады.

Кандидаттар қатарында инженер, экономист, педагог, дәрігер, журналист мамандығының иелері бар. Олардың орташа жасы 50-де.

«Салыстырмалы түрде 2017 жылы Сенатқа кезекті сайлауда 89 кандидат, 2014 жылы 88, 2011 жылы  96 кандидат ұсынылды. Ең көп кандидат Алматы облысында. Ұсыну тәртібіне келер болсақ, кандидаттардың арасында 87 пайызы өзін-өзі, 13 пайызын мәслихаттар ұсынған. Сонымен қатар, қазіргі уақытта қызмет атқарып отырған 4 сенатор өз кандидатурасын ұсынды», - деді Берік Имашев.

Қазіргі Сенат депутаттығына кандидаттарды тіркеу жүріп жатыр. Сенаторлыққа үміткер әйелдердің саяси белсенділігі жоғары екені байқалған.

«Әйелдердің саяси белсенділігі артып келеді. Ұсынылған үміткерлердің 19-ы – әйел. Олардың саны 2017 жылы 13, 2014 жылы 5, 2011 жылы 6 үміткер болған», - дейді ҚР ОСК төрағасы