Тоқаев Финляндия президентін құттықтады

Ол Тәуелсіздік күніне орай құттықтау жеделхатын жолдады

Фото: Ақорда

Қасым-Жомарт Тоқаев президент Александр Стуббқа Финляндияның Тәуелсіздік күніне орай құттықтау жеделхатын жолдады, деп хабарлайды Azattyq Rýhy Ақордаға сілтеме жасап.

Президент хатта Суоми ұдайы экономикалық өрлеу, әлеуметтік әділдік және экологиялық орнықтылықты тиімді ұштастырып келе жатқан ел екенін атап өткен.

Сондай-ақ Финляндия Президентінің таяуда Астанаға жасаған сапары екіжақты қарым-қатынасқа тың серпін беріп, елдеріміз арасындағы ынтымақтастықты нығайтуда нақты нәтижелерге жетуге мүмкіндік бергеніне тоқталған.

Қасым-Жомарт Тоқаев Александр Стуббтың жауапты мемлекеттік қызметіне толағай табыс, ал достас фин халқына бақ-береке тіледі.

Мақалада

#Қасым-Жомарт Тоқаев #ақорда #Финляндия

Алдыңғы жаңалық

Әлем еріктілерін БҰҰ-ның қоршаған ортаны қорғау бастамаларына қосылуға шақырамыз – Тоқаев