Астаналық ару «Ирина Кайратовнаның» әнін ым-ишара тілінде орындады (ВИДЕО)
Тиктокер көпшілікті ым-ишара тілін меңгеруге шабыттандырды
Астаналық ару «Ирина Кайратовнаның» әнін ым-ишара тілінде орындап, әлеуметтік желі қолданушыларын тәнтті етті, деп хабарлайды Azattyq Rýhy.
Астана қаласының тұрғыны Айдана танымал тректерді ым-ишара тіліне аударады, яғни сурдоаудармамен айналысады. Айдананың видеолары TikTok трендтерінде «ұшып», көптің көңілінен шығуда. Жақында ол «Ирина Кайратовнаның» «Айдахар» әнін ым-ишара тілінде орындады.
Айдана Бастаның, KeshYou тобының, V $ X V PRiNCE рэперінің шығармашылығынан танымал әндерді «орындады».
Видеоның бірінде Айдана ым-ишара тілін бала кезінен білетінін айтты. Себебі, оның ата-анасы есту және сөйлеу қабілетінен айырылған. Тиктокер көпшілікті ым-ишара тілін меңгеруге шабыттандырды.
