ШҚО-да жүк көлігі мен жеңіл көлік соқтығысып, үш адам қаза болды
Тағы бір адам ауруханаға жатқызылды
Фото: Видеодан скрин
Шығыс Қазақстан облысында жүк көлігі мен жеңіл автокөлік соқтығысып, салдарынан бірнеше адам қаза тапты, деп хабарлайды Azattyq Rýhy агенттігі YK-news.kz-ке сілтеме жасап.
Қайғылы оқиға 24 қараша күні «Омбы – Майқапшағай» республикалық маңыздағы автожолдың 877-шақырымында Тарбағатай ауданында болған. Жол апатына Chevrolet Onix және Howo маркалы жүк көлігі қатысқан.
«Жол-көлік оқиғасы салдарынан Chevrolet Onix автокөлігінің жүргізушісі мен екі жолаушысы алған жарақаттарынан көз жұмды. Тағы бір жолаушы медициналық мекемеге жеткізіліп, ауруханаға жатқызылды», — деп хабарлады ШҚО полиция департаментінің баспасөз қызметі.
Оқиға бойынша алдын ала тергеу басталды.
Көп оқылған
23.02.2026, 15:59
Үйіне алдап шақырған: БҚО-да ер адам кәмелеткен толмаған қыз баланы зорлады деген күдікке ілінді
23.02.2026, 12:49
Қымызды көп ішіп қойыпты: Павлодарда Жеке сот орындаушылары палатасының басшысы ұсталды
Бүгін, 09:58
«Прокурорлар алып кетті»: Шортандыда төрт бала ата-анасы бар бола тұра жетім қалды (ВИДЕО)
