Елдегі 473 мемлекеттік нысан жекешелендіріледі

Қазақстанда жекешелендіруге ұсынылатын 473 мемлекеттік нысанның толық тізімі жарияланды. Бұл туралы Ұлттық жекешелендіру офисінің жылдық есебі барысында белгілі болды, деп хабарлайды Azattyq Rýhy. 

Қандай нысандар жекешелендіруге ұсынылды

Агенттік мәліметінше, тізімге энергетика, машина жасау, транспорт инфрақұрылымы және спорт саласындағы бірқатар ірі кәсіпорындар енген.

Жекешелендіруге қойылған негізгі нысандар: Балқаш жылу электр орталығы Өскемен, Шүлбі, Шардара ГЭС-тері, «Зенит» зауыты (Орал), Петропавлдағы ауыр машина жасау зауыты, Алматыдағы Киров атындағы машина жасау зауыты, Атырау және Павлодар мұнай өңдеу зауыттары, Ақтау теңіз портының солтүстік терминалы, Ақтөбе, Атырау, Шымкент, Орал халықаралық әуежайлары, Футбол клубтары: «Астана», «Жетісу»

Бұл нысандар алдағы жылдары кезең-кезеңімен жеке меншікке берілмек.

Жекешелендіру қалай жүргізіледі

Ұлттық жекешелендіру офисі ашықтықты арттыру үшін арнайы ресми платформа іске қосқан. Бұл сайтта барлық активтің толық тізімі жарияланған, бизнес өкілдері қызықтырған нысан бойынша өтінім беріп, жекешелендіруді өздері бастай алады. Мұндай тәсіл мемлекеттік активтерге бизнеске қатысуға қосымша мүмкіндік береді.

2026 жылға жоспар: қандай салалар қайта қаралады

Келесі жылы офис мемлекеттік қатысу деңгейін бағалауды жоспарлап отыр. Талдау жүргізілетін негізгі бағыттар: IT саласы, қазақстандық нефтесервис, құрылыс, геология, әлеуметтік кәсіпкерлік корпорациялар (ӘКК).

Сонымен бірге, мемлекет үлесі 50%-дан аз болатын 250-ден астам ұйымның қызметі қайта сарапталмақ.

Стратегиялық жоспарлау жалғасады

Алдағы екі жылда ведомство мемлекеттік органдармен бірге әлеуметтік және стратегиялық нысандарды жекешелендіруге арналған жол карталарын дайындайды.