Қазіргі уақытта 27 мыңнан астам оқушы онлайнға көшірілді
Өскеменде маусымдық жұқпалы аурулардың көбеюіне байланысты өңірдегі 107 жалпы білім беретін мектептің 1504 сыныбында 27 610 оқушы уақытша қашықтан оқыту форматына ауыстырылды. Бұл туралы Azattyq Rýhy агенттігі YK-news.kz-ке сілтеме жасап хабарлайды.
«Қашықтан оқыту Өскемен қаласының 46 мектебінде, Күршім ауданының үш мектебінде, Ұлан ауданының 9 мектебінде, Үлкен Нарын ауданының бір мектебінде, Алтай ауданының 8 мектебінде, Зайсан ауданының бір мектебінде, Катонқарағай ауданының бір мектебінде, Самар ауданының бес мектебінде, Тарбағатай ауданының 9 мектебінде, сондай-ақ облыстық төрт мектепте ұйымдастырылды», – деп мәлімдеді ШҚО білім басқармасының баспасөз қызметі.
Айта кетерлігі, қашықтан оқыту форматына көшіру туралы шешім денсаулық жағдайына байланысты 30%-дан астам оқушы сабаққа қатыспай қалған сыныптарда қабылданады. Бұл жағдай медициналық анықтамалар тарапынан расталуы тиіс.