Продюсер тегін дұрыс айтпаған әйелдің сөзін түзетті
Әлеуметтік желіде танымал продюсер Баян Алагөзова лифт ішінде белгісіз әйелмен кездейсоқ кездесіп қалғаны жайлы видео таралып жатыр, деп хабарлайды Azattyq Rýhy.
Күтпеген кездесуге қуанып кеткен әйел телефонын қосып, видеоға түсіріп жатып:
«Мен лифтіде Баян Есентаевамен бірге тұрмын!», - дейді.
Баян күлімсіреп, оның сөзін дереу түзетеді:
«Мен Алагөзовамын. Күйеуімнің тегі – Алагөзов».
Бұл сәт желі қолданушылары арасында қызу талқыға түсті:
«Бірден аузын жауып тастады», «Есімізде бәрібір Есентаева болып қалып қойған», «Баянды алғаш көргендей болды ғой», «Қандай жасанды күлкі, сұмдық», - деп жазды олар.
Бұл оқиға продюсер ресми түрде Алагөзова атанғанына қарамастан, көпшіліктің әлі де оны бұрынғы тегімен танитынын тағы бір еске салып отыр.