Астананың бас санитарлық дәрігері ЖРВИ-дің көбеюіне байланысты қаулы шығарды

Астанада жедел респираторлық вирустық инфекциялар (ЖРВИ) мен тұмау жұқтырғандардың көбеюіне байланысты Астананың бас санитарлық дәрігері Айгүл Шағалтаева санитариялық-індетке қарсы  іс-шараларды жүргізу туралы қаулыға қол қойды, деп хабарлайды Azattyq Rýhy.

Бас санитарлық дәрігер Астана қаласының Қоғамдық денсаулық сақтау басқармасы басшысына:

• үйге шақыртуларды қамтамасыз ету үшін жағдайлар жасауды (қосымша автокөлік құралдары, жанар-жағармай материалдары, тіркеу бөлімінің кезекшілік режимін ұйымдастыру);
• медициналық персонал мен пациенттердің маска режимін бақылауды;
• жүкті әйелдер мен 1 жасқа дейінгі балалардың ЖРВИ, тұмау және олардың асқынулары (пневмония) белгілері болған жағдайда үйге шақыртуларын бірінші кезекте орындау, күнделікті патронажын және дер кезінде госпитализациясын қамтамасыз етуді;
• медициналық ұйымдардың жұмыс уақытын 08:00-ден 20:00-ге дейін, демалыс және мереке күндері 08:00-ден 18:00-ге дейін ұзартуды тапсырды.

 Астана қаласының Білім басқармасы басшысына тапсырылды:

• 2025 жылғы 20 қарашадан 5 желтоқсанға дейінгі кезеңге сыныптағы оқушылар санының 30% және одан да көбі ЖРВИ-мен сырқаттану тіркелген жағдайда оларды қашықтан оқыту форматына ауыстыру;
• бір инкубациялық кезең ішінде бір сыныптағы оқушылардың жалпы санының 20–30%-ында ЖРВИ жағдайлары тіркелген кезде жалпы білім беретін ұйымдарда кабинет жүйесі жойылады;
• әр ауысым алдында «таңғы сүзгіні» жүргізу, жедел респираторлық ауру белгілері бар мектеп оқушылары мен мектепке дейінгі ұйымдарға баратын балаларды, сондай-ақ педагогтарды сабаққа жібермеу;
• балалар, жасөспірімдер және қызметкерлердің күнделікті қатысу мониторингін жүргізу, болмау себептерін анықтау және ауру жағдайлары туралы медициналық ұйымдар мен аумақтық бөлімшелерге ақпарат беру;
•  «таңғы сүзгі» кезінде анықталған ЖРВИ және тұмау белгілері бар балаларды (қызметкерлерді) сабақтан (жұмыстан) уақытылы шеттету, оларды медициналық пунктке немесе үйге жіберіп, үйге учаскелік дәрігерді шақыру;
• бұқаралық (мәдени, мерекелік және спорттық) іс-шараларды өткізуді тоқтату.

Қаулының толық мәтінін мына жерден оқуға болады.