Қазақстанда 42 миллион SIM-карта тіркелген

Жарияланған:
30.10.2019, 22:06

Бұл туралы Цифрлық даму және аэроғарыш өнеркәсібі министрлігі телекоммуникациялар комитетінің төрағасы Виталий Ярошенко айтты

Фото: ашық дереккөзден

Цифрлық даму және аэроғарыш өнеркәсібі министрлігі телекоммуникациялар комитетінің төрағасы Виталий Ярошенко Қазақстанда 42 миллион SIM-карта тіркелгенін, ал кейбір тұрғынның атында тіпті, 30-40 мың нөмір тіркеуде тұрғаны анықталғанын айтты. 

«Елімізде 42 миллион SIM-карта сатылған және олар қолданыста. Ал халық саны – 18 миллион. Яғни, статистика бойынша әр азаматқа орташа алғанда екі-үш SIM-картадан келеді. Арнайы сервисті пайдаланып, кейбір тұрғындардың екі-үш нөмірі бар екенін, ал кейбірінің атына 30-40 мың нөмір тіркелгенін анықтадық. Адамдар өз аттарына мұнша нөмірдің тіркелгенін білмеген», - деді ол.

Виталий Ярошенко ұялы телефон нөмірін бөтен адамның атына тіркеу несімен қауіпті екенін айтты.

«Мұндай жағдайда сіз өзге адамның атынан әрекет жасайсыз. SIM-картадан айырылып қалу қаупі де бар. Себебі бұл SIM-карта басқа адамның атына тіркелген. Ол кез келген уақытта ұялы байланыс операторының кеңсесіне келіп, өтініш жаза алады. Осылайша, SIM-карта бұғатталады. Карта иесі нөмір арқылы кімдерге қоңырау шалынғанын, интернет-трафик, смс туралы мәлімет ала алады», - дейді комитет төрағасы.

Біздің ең маңызды және қызықты жаңалықтарды біздің Telegram-каналдан оқыңыз
Өзге де қызықты мақалалар
Қазақ-Қырғыз шекарасындағы Қордай бекеті 2020 жылы күрделі жөндеуге жабылады
Қытаймен трансшекаралық өзендер жөніндегі келіссөз қиын жүріп жатыр – Экология министрі
Қазақстандықтар 20,6 мың су жаңа автокөлікті жеңілдікпен сатып алды

Сұхбат
«Абайдың 45 сұрағына» Мәжіліс депутаты Бақытгүл Хаменова жауап берді
Ресейде 800-900 мың қазақ өмір сүріп жатыр деген мәлімет бар, кей дереккөзде 1,5 миллион деп жазылған
«Абайдың 45 сұрағына» Арыстанбек Мұхамедиұлы жауап берді 
Абайдың 45 сұрағына алғаш болып жауап берген - Мәжіліс депутаты Нұртай Сабильянов