Видеоны Қазақстанның Дубайдағы консулдығы жариялады
Біріккен Араб Әмірліктеріндегі әлемдегі ең биік ғимарат, 828 метрлік «Дубай мұнарасы» – «Бурдж Халифа» Қазақстанның ұлттық мерекесі – Республика күніне орай Қазақстан туымен безендірілді, деп хабарлайды Azattyq Rýhy.
Видео Қазақстанның Дубайдағы консулдығының Instagram аккаунтында жарияланды.
«Біріккен Араб Әмірліктері Қазақстанды Республика күнімен құттықтады!», - деп жазылған видеода.
Музыкалық сүйемелдеу ретінде Қазақстан әнұраны таңдалды.
Дубайдағы «Бурдж Халифаның» Қазақстан туымен безендірілуі бірінші рет емес. 2022 жылдың желтоқсанында зәулім ғимарат Қазақстанның Тәуелсіздік күні құрметіне Қазақстан туының көк түсімен жарықтандырылды.