Қар жауады: синоптиктер 25 қазанға жасалған ауа райы болжамын жариялады

25 қазанда Қазақстанда көшпелі бұлт шығады, кей жерлерде жаңбыр жауып, тұман түседі деп болжанып отыр. Оңтүстікте жылы ауа райы сақталады, солтүстікте қар жаууы мүмкін, деп хабарлайды Azattyq Rýhy «Қазгидрометке» сілтеме жасап.

Астанада көшпелі бұлт шығады, күндіз жаңбыр жауады. Оңтүстік-шығыстан түнде 3-8 м/с, күндіз 9-14 м/с жылдамдықпен жел соғады. Температура түнде шамамен 0 градус, ал күндіз 10-12 градус жылы болады.

Ақмола облысында түнде батыста, солтүстікте және оңтүстікте жауын-шашын (жаңбыр, қар) түседі, күндіз жаңбыр жауады. Батыста, солтүстікте және шығыста кей жерлерде тұман түседі. Оңтүстік-шығыстан 9–14 м/с жел соғады. Ауа температурасы түнде 2 аяздан 3 жылыға дейін, күндіз 8–13 жылы болады.

Алматы облысында жауын-шашын болмайды. Оңтүстік-шығыстан 9–14 м/с жел соғады. Ауа температурасы түнде 6–11, солтүстікте және тауда 1 жылы, күндіз 18–23, тауда 8–13 жылы болады.

Алматы қаласында көшпелі бұлт шығады, жауын-шашын болмайды. Оңтүстік-шығыстан 3–8 м/с жел соғады. Температура түнде 7–9, күндіз 20–22 жылы болады.

Жетісу облысында жауын-шашын болмайды. Оңтүстік-шығыстан 9–14 м/с жел соғады, Алакөл ауданында желдің екпіні 15–20, күндіз кей жерлерде 28 м/с-қа дейін жетеді. Ауа температурасы түнде 6–11, орталықта және тауда 2, күндіз 20–25, тауда 16 жылы болады.

Түркістан облысында таулы аймақтарда жаңбыр жауады. Оңтүстік-батыстан 8–13 м/с жел соғады, асуларда 20 м/с-қа дейін күшейеді. Температура түнде 8–13, оңтүстікте 16, күндіз 20–25, тауда 17 жылы болады.
Шымкент пен Түркістан қалаларында ауыспалы бұлтты, жауын-шашын болмайды. Оңтүстік-батыстан 5–10 м/с жел соғады. Температура түнде 11–13, күндіз 23–25 жылы болады.

Батыс Қазақстан облысында жауын-шашын болмайды. Түнде және таңертең тұман түседі. Солтүстік-шығыстан және шығыстан 7–12 м/с жел соғады. Температура түнде 2 аяздан 3 жылыға дейін, күндіз 10–15 жылы болады.

Атырау облысында жауын-шашын болмайды. Солтүстік-шығыстан 7–12 м/с жел соғады. Ауа температурасы түнде 0–5 жылы, солтүстікте 3 аяз, күндіз 15–20 жылы болады.

Маңғыстау облысында күндіз батыста және орталықта аздаған жаңбыр жауады, түнде және таңертең оңтүстік-батыста тұман түседі. Оңтүстік-шығыстан 5–10 м/с жел соғады. Температура түнде 3–8, батыста және оңтүстікте 13, күндіз 18–23, солтүстік-батыста 15 жылы болады.

Ақтөбе облысында жауын-шашын болмайды. Солтүстік-шығыстан 5–10 м/с жел соғады. Ауа температурасы түнде 0–5 жылы, солтүстік-шығыста 3 аяз, күндіз 10–15 жылы болады.

Қостанай облысында түнде солтүстікте және шығыста аздаған жаңбыр мен қар түседі, көктайғақ болады. Солтүстік-шығыстан 9–14 м/с жел соғады, күндіз оңтүстікте және шығыста екпіні 20 м/с-қа дейін жетеді. Температура түнде 0–5 аяз, оңтүстікте 4 жылы, күндіз 7–12, оңтүстікте 17 жылы болады.

Солтүстік Қазақстан облысында түнде батыста, солтүстікте және шығыста аздаған жаңбыр мен қар түседі, көктайғақ болады. Батыстан және солтүстік-батыстан 9–14 м/с жел соғады, күндіз шығыста және оңтүстікте екпіні 20 м/с-қа дейін жетеді. Температура түнде 3 аяздан 2 жылыға дейін, күндіз 5–10, оңтүстік-батыста 13 жылы болады.

Павлодар облысында жауын-шашын болмайды. Оңтүстік-шығыстан 7–12 м/с жел соғады. Температура түнде 2 аяздан 3 жылыға дейін, күндіз 9–14 жылы болады.

Қарағанды облысында түнде батыста жаңбыр жауады, күндіз солтүстікте және шығыста кей жерлерде жаңбыр жауады. Оңтүстік-шығыстан солтүстік-шығысқа ауысатын 9–14 м/с жел соғады. Температура түнде 0–5 жылы, шығыста 5 аяз, күндіз 8–13, батыста 16 жылы болады.

Ұлытау облысында солтүстікте, шығыста және оңтүстікте жаңбыр жауады. Шығыстан және солтүстік-шығыстан 9–14 м/с жел соғады. Температура түнде 3–8 жылы, шығыста 0, күндіз 14–19, солтүстікте 11 жылы болады.

Шығыс Қазақстан облысында жауын-шашын болмайды. Оңтүстік-шығыстан және шығыстан 9–14 м/с жел соғады, кей жерлерде екпіні 20 м/с-қа дейін жетеді. Температура түнде 1–6 аяз, оңтүстікте 6 жылы, күндіз 13–18 жылы болады.

Абай облысында жауын-шашын болмайды. Оңтүстік-шығыстан және шығыстан 9–14 м/с жел соғады. Температура түнде 1–6 аяз, оңтүстікте 6 жылы, күндіз 13–18 жылы болады. Семей қаласында ауыспалы бұлтты, жауын-шашын болмайды.

Қызылорда облысында жауын-шашын болмайды. Солтүстіктен 9–14 м/с жел соғады. Температура түнде 5–10, күндіз 20–25 жылы болады.

Жамбыл облысында таңертең және күндіз таулы аймақтарда жаңбыр жауады. Солтүстік-шығыстан оңтүстік-батысқа ауысатын 9–14 м/с жел соғады, кей жерлерде екпіні 20 м/с-қа дейін жетеді. Температура түнде 10–15, тауда 5, күндіз 22–27, тауда 18 жылы болады.