Хат 1966 жылы жазылған
Журналист Сырым Итқұлов Telegram-арнасында әйгілі Бауыржан Момышұлының 1966 жылы Дінмұхамед Қонаевқа жолдаған хаты жария болғанын жазды, деп хабарлайды Azattyq Rýhy.
Бұл – Қонаевтың КОКП Орталық Комитеті Саяси бюросының мүшелігіне кандидат ретінде сайланған жыл болатын.
«Дінмұхамед Ахметұлы! Сізді партиямыздың Орталық Комитеті Саяси бюросының мүшелігіне кандидат болып сайлануыңызбен құттықтаймын! КПСС-тің XXIII съезі осылайша халқымызға зор мәртебе көрсетті.
Мен өз халқыммен және оның лайықты ұлымен мақтанамын – бұл тарихи факт.
Келінге, ақсақалға бізден сәлем!
Запастағы гвардия полковнигі, әскери жазушы», – делінген хаттың мәтініде.
Журналист Сырым Итқұловтың айтуынша, хатты Дінмұхамед Қонаевтың немере інісі, жазушы Мұхтар Әуезовтің шөбересі Димаш ұсынған.