Жолаушылар саны бір жылда 21%-ға артқан
Алматы метрополитені 2025 жылдың қыркүйек айында 3,1 миллионнан астам жолаушыға қызмет көрсетті. Бұл – өткен жылдың дәл осы кезеңімен салыстырғанда 21%-ға көп, деп хабарлайды Azattyq Rýhy агенттігі DataHub-қа сілтеме жасап.
Мұндай көрсеткіш – метро тарихындағы ең жоғары айлық рекорд. Бұған дейінгі статистика кезеңдерінде мұндай көлем тіркелмеген.
2025 жылдың алғашқы тоғыз айында жолаушылар ағыны жылдық есеппен ай сайын шамамен 14%-ға өскен. Салыстырмалы түрде, 2024 жылдың осы кезеңінде орташа өсім небәрі 1% болған, себебі төрт ай қатарынан төмендеу байқалған.
Қыркүйек айында метрополитен тәуліктік көрсеткіш бойынша да бірнеше рет рекорд жаңартқан. Соның бірі – «Қайрат» пен «Реал» футбол матчы өткен күні. Сол күні метроны 143 мыңға жуық жолаушы пайдаланған.