Ақсуда 291 млн теңге ұрлаған шенеунік небәрі 7 жылға сотталды

Ақсу қаласының мамандандырылған тергеу соты аса ірі көлемде бюджет қаражатын ысырап ету бойынша қылмыстық іске үкім шығарды, деп хабарлайды Azattyq Rýhy.

Сотталушылар қатарында Ақсу қаласы құрылыс бөлімінің бұрынғы басшысы мен мердігер отыр. Екеуі де 7 жылға бас бостандығынан айырылды.

Сот процесі көрсетілім сипатында өтіп, оған мемлекеттік органдардың басшылары қатысты.

Еске сала кетейік, 2024 жылы Ақсу қаласының прокуратурасы 4 дене шынықтыру-сауықтыру кешенінің құрылысы бойынша орындалған жұмыстар актілерінің заңсыз түрде қол қойылғанын анықтаған болатын.

Алдын ала тергеу барысында арнайы прокурорлар мемлекетке 290 млн теңгеден астам залал келтірілгенін анықтады.

Үкім заңды күшіне енген жоқ.