Кей жерлерде тұман мен көктайғақ күтіледі
«Қазгидромет» РМК мәліметінше, 13 қазанда еліміздің басым бөлігінде жауын-шашынсыз ауа райы сақталады, деп хабарлайды Azattyq Rýhy.
Синоптиктердің болжамына сүйенсек, Ақмола, Солтүстік Қазақстан және Павлодар облыстарында түнде ауа температурасы -3...-9 градусқа дейін төмендеп, күндіз 0...+5° жылы болады. Кей жерлерде тұман түсіп, жолдарда көктайғақ күтіледі.
Алматы, Жетісу және Жамбыл облыстарында күн жылы әрі шуақты болады.
Алматы мен Қонаев қалаларында +20...+22°, ал Талдықорғанда +15...+17° жылы болады. Кей жерлерде түнде аздап жаңбыр жаууы мүмкін, таулы аймақтарда тұман түсуі ықтимал.
Оңтүстік өңірлерде – Түркістан мен Қызылорда облыстарында жаңбырсыз, күн ашық. Ауа температурасы түнде +8...+13°, күндіз +22...+25° жылы. Ал Батыс Қазақстан мен Атырау облыстарында түнде тұман түсіп, кей жерде өткінші жаңбыр жауады, күндіз +15...+20° жылы болады.
Ұлытау мен Қарағанды облыстарында жауын-шашынсыз, бірақ суық болады: түнде -5...-9°, күндіз +2...+7° аралығында.
Абай және Шығыс Қазақстан облыстарының таулы аймақтарында түнде қар аралас жаңбыр жауып, көктайғақ болуы мүмкін.