Павлодар облысында 9 айда 800-ге ұрлық тіркелді: полиция тұрғындарға ескерту жасады

Павлодар облысында 2025 жылдың қаңтар-қыркүйек айларында 787 ұрлық дерегі тіркелді, деп хабарлайды Azattyq Rýhy.

Оның ішінде:

• 155 – ұялы телефон,
• 146 – велосипед,
• 58 – пәтер ұрлығы,
• 41 – мал ұрлығы,
• 21 – автокөлік салонынан ұрлық,
• 5 – қалта ұрлығы.

Пәтер ұрлығының алдын алу жолдары

Полиция пәтер ұрыларына ұшырамас үшін тұрғындарға мынадай кеңес берді:

• Үйден шығарда терезелер мен есікті мұқият тексеріңіз.
• Сенімді құлып пен қауіпсіздік дабылдарын орнатыңыз.
• Кіреберіс есіктің кілтін жеңіл қолжетімді жерге қалдырмаңыз.

Жеке заттарды қорғау ережелері

• Бағалы заттарды киімнің ішкі қалтасына немесе сөмкенің ортасына салыңыз.
• Пластикалық картаның PIN кодын әмиянда сақтамаңыз.
• Бейтаныс адамдарға телефоныңызды бермеңіз.
• Ломбардтардан немесе базардан құжатсыз техника мен заттарды сатып алмаңыз.

Велосипед пен көлікті қауіпсіз сақтау

• Велосипед пен арбаны кіреберісте қараусыз қалдырмаңыз.
• Арнайы құлыптау құрылғыларын қолданыңыз.
• Көлікті кілтпен қоса қалдырмаңыз, есікті әрдайым жабыңыз.
• Құнды заттарды салонда қалдырмаңыз, көлікті күзет дабылымен жабдықтаңыз.

Мал ұрлығының алдын алу

• Мал басын есепке қойып, таңбалаңыз.
• Қораларды түнде мықтап бекітіңіз.

Жануарларды қараусыз қалдырмаңыз, әсіресе жол маңында.