Ал қайтыс болғандар саны 470 мыңға жуықтап қалды
Джонс Хопкинс университеті жариялаған мәліметтерге сенсек, әлемде коронавирус жұқтырғандар саны 9 миллионнан асқан, деп хабарлайды Azattyq Rýhy тілшісі.
Әлем бойынша коронавирустан 469 мыңнан астам адам қайтыс болды. Көз жұмғандар саны бойынша АҚШ (120 мың), Бразилия (50 мың), Ұлыбритания (42 мың), Италия (34 мың), Франция (29 мың) және Испания (28 мың) көш бастап тұр.
Ал COVID-19 жұқтырғандар саны бойынша алдыңғы орында АҚШ (2,28 млн), Бразилия (1,08 млн), Ресей (591 мың), Үндістан (425 мың), Ұлыбритания (306 мың) және Испания (292 мың) тұр. Коронавирус ең алғаш анықталған Қытай 83,3 мың науқаспен отызыншы орында тұр.