Алғашқы алтын: Санжар Ташкенбай бокстан әлем чемпионы атанды

Ливерпульде өтіп жатқан бокстан әлем чемпионатында қазақстандық Санжар Ташкенбай алтын жүлдеге ие болды. Бұл – Қазақстан құрамасының аталған біріншіліктегі алғашқы жеңісі, деп хабарлайды Azattyq Rýhy Ұлттық Олимпиада комитетіне сілтеме жасап.

Сенімді жеңіс

Финалда Санжар Ташкенбай моңғолиялық Алдаркхишига Баттулгумен кездесті. Қазақстандық былғары қолғап шебері алғашқы екі раундта қарсыласын 5:0 есебімен таза басымдықпен жеңіп, соңғы раундта артықшылығын шеберлікпен сақтап қалды.

Екінші әлемдік титул

23 жастағы Санжар Ташкенбай үшін бұл – мансабындағы екінші әлем чемпионы атағы. Ол алғаш рет 2023 жылы әлем біріншілігінде топ жарған болатын.