Баян Алагөзованың жаңа жобасы сынға ұшырады (ВИДЕО)

KeshYou тобының «Маған қара» әніне түсірілген бейнебаяны әлеуметтік желіде қызу талқыланып, қазақстандық көрерменнің қатаң сынына ұшырады, деп хабарлайды Azattyq Rýhy. 

Жаңа бейнебаянға қатысты пікірлер

Желі қолданушылары бейнебаянға қатысты пікірлерін жасырған жоқ. Әсіресе, топтың сахналық костюмдері мен музыкалық мазмұны көпшіліктің көңілінен шықпаған. Instagram желісіндегі пікірлердің бірінде:

•  «Әндері көңілден шықпайды, әдемі қыздар, бірақ киімдері сәйкес емес»,
• «Тағы бір клип түсірді. Өтеді деп ойлаған болар, бірақ өтпеді»
• «Бұл топты ән айтатын іш киім деп атаса болады» деген сыни жазбалар қалдырылды.

Продюсер мен топтың реакциясы

Әзірге KeshYou тобы да, олардың продюсері Баян Алагөзова да қоғамдық пікірге қатысты ресми түсініктеме берген жоқ.

KeshYou – Қазақстандағы ең танымал қыздар тобының бірі. Жоба 2000-жылдардың ортасынан бері отандық шоу-бизнестің алдыңғы қатарында. Соңғы жылдары топтың репертуары жиі сынға ілігіп жүр.