Маңғыстау облысында бойжеткеннің қазасына жол бойында жайылып жүрген жылқы себеп болды

Маңғыстау облысында көлік жол бойындағы жылқыны қағып кеткеннен кейін 26 жастағы бойжеткен қаза тапты, деп хабарлайды Azattyq Rýhy агенттігі Lada.kz-ке сілтеме жасап.

Қайғылы оқиға 6 қыркүйек, яғни сенбі күні «Ақтау-Жетібай» автожолының 77-шақырымында болды.

Алдын ала мәлімет бойынша, ВАЗ-2110 көлігінің жүргізушісі рульге ие бола алмай, жол бойындағы жылқыны қағып кеткен. Апат салдарынан екі адам зардап шекті. 1998 жылы туған қыз бала алған ауыр жарақаттарынан көз жұмды.

Жүргізушіге оқиға орнында медициналық көмек көрсетіліп, кейін ауруханаға жеткізілді.

Облыстық полиция департаментінің мәліметінше, жол апаты бойынша тексеріс басталып, қажетті сараптамалар тағайындалған.