Екі қалада ауа сапасы нашарлайды – синоптиктер ескерту жасады

«Қазгидромет» мамандарының болжамынша, 7 қыркүйек күні Алматы қаласында, түнде Атырауда ауа сапасы нашарлайды. Бұған қолайсыз метеорологиялық жағдайлар себеп болады, деп хабарлайды Azattyq Rýhy. 

Қолайсыз метеожағдайлар – бұл атмосфералық ауаның өздігінен тазаруына кедергі келтіретін құбылыстар. Оларға мыналар жатады:

• штиль;
• әлсіз жел;
• тұман;
• температуралық инверсия.

Осы құбылыстар кезінде зиянды қалдықтар жердің төменгі қабатында жиналып, ауаның уақытша ластануына әкеледі.

Дәрігерлердің кеңесі

Сарапшылар Алматы мен Атырау тұрғындарына мынадай кеңес береді:

• автожолдардың маңында ұзақ уақыт тұрмау;
• ашық ауада физикалық белсенділікті азайту;
• балалар мен қарт адамдардың далада жүру уақытын шектеу;
• өкпе, жүрек-қан тамырлары және аллергиялық аурулары бар адамдар дәрілерін қасында ұстауы тиіс.