Ақтауда битум зауытында өрт шықты

6 қыркүйек күні таңертең Ақтаудағы «Caspi Bitum» битум зауытында өрт шықты. «ҚазМұнайГаз» компаниясының хабарлауынша, сағат 08:05-те атмосфералық колоннаға апаратын құбырда от тұтанған, деп хабарлайды Azattyq Rýhy. 

Өртті сөндіру жұмыстары

Зауыттың стационарлық өрт сөндіру жүйесі іске қосылып, мамандардың жедел әрекеті нәтижесінде өрт 08:32-де толық сөндірілді.

Өртті сөндіруге:

• «Caspi Bitum» кәсіпорнының өз өрт сөндіру жүйесі;
•  «Семсер-Өрт Сөндіруші» мамандары;
• Ақтау қаласының ТЖД өрт сөндіру қызметі қатысты.

Компанияның ресми мәлімдемесінде «Зардап шеккендер мен материалдық шығын жоқ» деп хабарланды.